- Co l e dinultima se tomade inze ra me mas! Podarae ve castiga, ma
no son cosci faich! Inveze, me contentarei de ve porta dal osto ca
daejin, che l ve pele e l ve feje coe pian pian come liore ben saoride.
L e un onor che no ve merita, ma i ome de bon cuore come me i
passa sora sta robetes!...
E po l e ’su da Pinochio, l a scomenza a l sliscia e l i a damanda:
- Cemodo asto fato a t inacorse de ra tria morinela che i aea paricia
chi ladroi? Melanpo, el me brao Melanpo, el no s aea mai intaia de
nuia!...
El buratin l arae podu i conta duto chel che l saea: l arae podu i conta
cemodo che l cian e i martoriei i s aea betu d acordo par l inbroia: ma
1 s a recorda che l cian l ea morto e l a pensa: - Ce ’soelo cusa i
morte?... I e morte, e ra meo roba che se po f ei l e chera de i lascia in
pasc!...
- Co l e rua ca i martoriei, dromiesto o seesto desceda? - l a seguita a
i damanda l bacan.
- Dromie - l i a respondu Pinochio, - ma i martoriei i m a desceda co
ra so ciacoles, e un l e vienu ca dal cabioto e l m a dito: "Se te m
inprometes de no baia e no desceda el to paron, te regalon na pita
ormai pelada!... Capio? I e stade cosci sfazade da me di sto tanto!
Parceche ae da sae che son solo un buratin: arei duta ra peches de
sto mondo, ma me mancia chera de tieni terzo e dia ra fegura
strazades!
- Brao pizo - l i a dito l bacan, e l i a batu sun una spala. - Chel che te
disc el te fesc onor, e par te mostra ce contento che son de te, te lascio
’si alolo a ciasa.
E l a destaca ra colagna che l i aea betu.
72
