L e resta propio de stuco, canche l a tira fora el faral dal erlo e l s a
inacorto che, inveze de un martorel, inze ra trapola l ea inze un pizo.
- Ah! burto ladron! - l a craia el bacan duto stiza - sosto tu che te me
robes ra pites?
- 16 no, io no! - l a craia Pinochio piansen. - Son vienu ca inze solo
par me tuoi doi bares de ua!...
- Ci che se tol ruale bele bon de se tuoi anche ra pites. Lascia 1
festide a mi, e te dago na strapazada che te te ra recordes par un
toco.
L a daerto ra trapola, l a ciapa el buratin par el copin e el l a stroza a
ciasa soa, come un agneluco. Rua daante ciasa, el l a bicia ’sobas, e
fin che l lo tienia fermo con un pe sun schena l i a dito:
- Ades l e tarde, e voi ’si a dromi. Fejaron i conte doman. Intanto, ’sa
che ancuoi l e morto l cian che di note el stajea ca de sguaita, te beto
alolo al posto so. Te saras el me cian da guardia.
Dito e fato, l i a betu intor el col na gran colagna piena de pontes de
fer, cosci strenta che el no sarae mai ’su adora a se ra tira fora. Su ra
colagna l ea taca na ciadena e ra ciadena r ea inpetonada inze inze 1
muro.
- Se sta note - l a dito l bacan -se bete a pioe, te pos ’si a sosta inze
chel cabioto: l e ancora inze el strame agnoche l a dromi par cuatro
ane el me por cian. Se par desgrazia inveze rua i ladre, recordete de
spiza ra rees e te bete a baia.
Canche l i a dito duto, el bacan el sin e ’su a ciasa e l a betu 1
ciadenazo su ra porta: chel por Pinochio l e resta la, cuza ’so inze r
era, pi morto ca vivo par el fiedo, ra fame e ra paura. In ciou de nafre
el smadarlaa inze par ra colagna che ra l sofeaa e el dijea piansen:
- Me dan!... Me dan! Ei voru f ei el sbrindolon e l poltron, ei voru i da
abado a cuatro lasaroi, l e par chel che no n ei pi abu fortuna. Se
fosse sta un pizo judizios, conpain de tante outre, se m aesse indura
68
