- Oh, ma st outra ota no me fejarei tanto prea! Me pensarei de chi
conie negre co ra cassa sun schena... tolarei alolo el goto inze man, e
’so!...
- Ades, vien nafre ca pede me e conteme cemodo che r e stada che te
t as data inze ra sgrinfes de chi sassis.
-Re ’suda cosci. Magnafo paron dei buratis el m aea da alcuanta
monedes de oro elm aea dito "Tid, porteres a ta pare! " io inveze ei
data par strada na Volpe e un Jato doi galantome che i m a dito
" Vosto che sta monedes es deente mile e doimile? Vien con nosoutre
che te menon inze l Cianpo dei Miracui." E io ei dito "’Son!" e lore i
a dito "Fermosse ca da r Ostaria del Ganbar Ros e dapo mesanote
moon danoo." E canche m ei desceda, i no n ea pi parceche i ea
moeste alora ei scomenza a camina di note l ea scuro patoco e par
strada ei data doi sassis scondude inze doi sache de carbon che i m a
dito "Tira fora i sode" e io i ei respondu "No in ei" parceche m aee
scondu ra monedes sote ra lenga e un dei doi l a proa a me caza ra
mas inze bocia e io i ei taza na man e i r ei destacada e po r ei
sbutada fora ma inveze de na man ei sbuta fora na zata de jato e i
sassis i me corea drio e io scanpae fin che i m a ciapa e i m a pica su
par un brascion de chesto bosco e i a dito "Tornon doman canche te
saras morto e t aras ra bocia daerta e cosci te portaron via ra
monedes de oro che te t as scondu sote ra lenga."
- E ades ra monedes agno s asto betudes? - ra i a damanda ra
Fatazina.
- Es ei pardudes! - l i a respondu Pinochio, ma l ea na boujia,
parceche inveze el s aea inze scarsela.
Canche l a dito ra boujia, el so nas, che l ea ormai longo, l e cresciu
alolo de doi diede.
- Agno s asto pardudes?
- Inze l bosco ca daejin.
54
