- Ades fesc chel che te m as inprometu e bee sta medejina, che te
vienaras alolo de meo.
Pinochio l a tolesc malvorentiera el goto inze man e l i a caza inze ra
ponta del nas: el se l a betu pede ra bocia, l a betu inze danoo ra
ponta del nas e l a dito:
-Re massa amara! R e massa catia! No ra pos propio bee.
- Cemodo festo a l di, se no te r as gnanche zercada?
- Me par de vede! R ei snasada. Voi un outra peta... e dapo me beo
ra medejina!...
Alora ra Fatazina, che r aea duta ra passienza de na bona mare, ra i a
betu inze bocia un outra peta de zucar e ra i a slonga danoo el goto.
- Cosci no ra pos bee! - l a dito chel sgninfo.
- Cioide?
- Parceche el coscin sora i pes el m intriga.
Ra Fatazina ra i a tira via el coscin.
- Gnanche cosci no ra pos bee...
- Ce elo danoo che t intriga?
- Ra porta de camera, r e mesa daerta.
Ra Fatazina r e ’suda a sara ra porta.
- Oh bela - l a craia Pinochio, e l s a betu a sgnoufa - sta medejina
catia no ra voi bee, no, no e no!...
- Pizo me, te te ciamaras gramo...
- No m inporta nuia...
- Te sos tanto mara...
- No m inporta propio nuia...
- Ca de poco, ra fiora ra te menara al outro mondo...
- No m inporta propio nuia...
- No n asto paura de tin ’si?
- Mai paura!... Meo mori che bee chera porcaria.
52
