Pagina:Pinochio.djvu/50

A senti sto tanto, el Croo el s a fato inaante, l i a palpa l polso a Pinochio, po el nas, e po l diedo pizo del pe: canche l a palpa duto ben polito, l a dito con na osc rouca:
- A mi me sa che sto buratin l e beleche ’su: ma se par desgrazia el no fosse morto, alora sarae ra proa che l e ancora vivo!
- Me despiaje - r a dito ra Zieta - ae da i da contra al Croo, un gran amigo che l laora con me: par me, inveze, sto buratin l e senpre vivo; ma se par desgrazia el no fosse vivo, alora vorarae de seguro di che 1 e morto.
- E vos, no dijeo nuia? - ra i a damanda ra Fatazina al Soutaruco.
- 16 digo solo che un zerujego con nafre de ston, canche el no sa ce di, ra meo roba che l po fei l e chera de taje. E po, chel buratin la l ei beleche vedu in calche luo, el conoscio da un toco!...
Alora Pinochio, che el sin ea sta senpre inpala propio come un toco de len, el s a betu a tremarla cosci forte che sgorlaa duto l lieto.
- Chel buratin - l a seguita a di el Soutaruco - l e propio na bela canaia...
Pinochio l a daerto i oce, e l i a sarade direto.
- L e un maladespo, el no n a voia de peta colpo, l e un canipa... Pinochio el s a scondu sote i lenzuos.
- Chel buratin l e un mostro de un pizo, e l fejara mori chel por sa pare dal despiazer.
In chera s a sentu par duta ra camera pianse e susta. Pensave ce mal che i e restade dute cuante, canche i a tira su chel tanto i lenzuos e i s a inacorto che ci che piansea e sustaa l ea propio Pinochio.
- Canche un morto el pianse, vo di che l e drio a vieni de meo -1 a dito el Croo.
- 16 no vorarae i da contra al me brao amigo zerujego, - r a ’sonta ra Zieta - ma par me canche un morto el pianse, vo di che i despiaje de esse morto.
50


50