batocio de na cianpana che sona Messa Granda. E con duto chel
sgorla, el buratin el ciapaa stiletades senpre pi fortes e l lazo el se
strensea senpre de pi intor el col e l i tolea el fiado.
Pian pian, i so oce i ’sudaa come vieres: anche se l sentia de esse fora
in son, Pinochio el speraa istesso che masse calchedun a l tira fora da
la. E canche, speta che te speta, el no n a pi vedu negun, i e vienu
danoo in mente chel por sa pare... e co ra poca osc che i vanzaa l a
balbota:
- Oh pare, pare me, se te fosses ca!...
El no n e ’su adora a di nuia de outro. L a sara i oce, spalanca ra
bocia, destira fora ra janbes e l e resta la, morto seco.
47
