canpagna no se moea gnanche na foia. L ea solo alcuante ouziei che i
oujoraa da na cejura a cher outra, i scaazaa el stradon e i ’sia a peta
inze inze l nas de Pinochio, che l e souta su da ra paura e l a craia: Ci elo la? - e l rebonbo da un col a chel outro el mandaa intorno ra
osc - Ci elo la?... elo la?... la?
Fin che el caminaa, Pinochio l a vedu su par un brascion na bisia che
lujia, ma co na lun cosci fiaca, che someaa un lumin inze un pegnato
de viere.
- Ci sosto? - l i a damanda Pinochio.
- Son r onbria del Soutaruco-che-parla - ra i a respondu ra bisia, co
na ojeta cosci bassa che someaa che ra masse da chel outro mondo.
- Ce vosto? - l a dito el buratin.
- Voi te consilia. Torna indrio, e porta chera cuatro monedes che t as
ancora inze scarsela, a chel por ta pare, che l vaia e l se despera
parceche el no te vede pi.
- Doman me pare el deentara un gran scior, parceche sta cuatro
monedes es deentara doimile.
- No te fida, pizo, de ci che t inpromete de te fei deenta scior da un di
al outro. Par solito, o i e mate o i e linjeres! Credeme a mi, torna a
ciasa.
- E inveze io voi ’si inaante.
- L e tarde!...
- Voi ’si inaante.
- L e scuro patoco...
- Voi ’si inaante.
- Ra strada r e trista.
- Voi ’si inaante.
- Recordete che i pize che vo fei chel che i vo e cemodo che i vo, na
ota o r outra i se ciamara grame.
- L e senpre ra solita laira. Tote, Soutaruco.
40
