 |
Questa pagina è ancora da trascrivere o è incompleta. | |
Capitolo 2
Babo Ciarieja el i da el toco de len al sd amigo Bepeto, che el lo dove parfei su un bel buratin che I sepe bala, dora ra sciabela efei i soute mortal
In chera i a peta sun porta.
- Vieni inze - l a dito el marangon, zenza ’si adora a lea su.
L e vienu inze inze botega un veceto sbalzin, che l aea gnon
Bepeto, ma ra famea la dintorno, se ra vorea che l s inbestiasse, ra
ciamaa col soragnon de Polentina, par via dei ciaei pestize, ’sai che i
someaa propio na bela polentina.
Bepeto l ea un gran parmolos. Ocio a i di Polentina! El se stizaa
direto e po no se ’sia pi adora a l fei sta un bon.
- Bondi Babo Tone - l a dito Bepeto - Ce fejeo la ’sobas?
- I insegno l Abeze a ra formies.
- Bon pro.
- Ci v alo mena ca, Bepeto?
- Ra me janbes. Ae da sae, Babo Tone, che son vienu da vos a ve
damanda un piazer.
- Son ca par ve da na man - l a dito el marangon, fin che el leaa su
insenoon.
- Ancuoi bonora ei abu na bela pensada.
- Dijeme pura.
- M ei pensa de fei un buratin de len, ma un gran bel buratin, che 1
sepe bala, dora ra sciabela e fei i soute mortai. Co sto buratin vorarae
’sira l mondo, par me guadagna un toco de pan e un goto de vin: ce
ve salo?
- Brao Polentina! - r a craia ra solita ojeta, che no se capia da agnoche
ra vienisse fora.
| 4 |
