- Vardeme me! - l a dito el Jato. - Par chera maladeta voia de inpara,
no vedo pi nuia.
In chera un merlo bianco, che l ea poia su sun na cejura da longo de
ra strada, l a daerto l beco e l a dito:
- Pinochio, no i abada a ce che te disc chera doa figura strazades,
sedeno te te ciamaras gramo!
- Por merlo, el no l aesse mai dito! El Jato l a fato un souto, el l a
brinca e, zenza gnanche i lascia di ohi, el se l a magna inze un bocon,
co ra penes e duto.
Dapo de l ae joti ’so, el s a spaza ia ra bocia, l a sara danoo i oce e l a
scomenza a fei l orbo, conpain de ignante.
- Por merlo - l i a dito Pinochio al jato - parce l asto trata cosci
malamente?
- Cosci l inpara. Un outra ota el no betara pi l beco, canche l e sente
che ciacolea.
I ea ruade a meso e anche de pi, canche ra Volpe rasa ferma inze
meso strada e ra i a dito al buratin:
- No voraraesto dopia ra to monedes?
-Ce?
- De zinche por monedes, no voraraesto in fei zento, mile, doimile?
- Mangare pura! E cemodo?
- L e gran fazile. Inveze de tin torna a ciasa, t araes da vieni via con
nosoutre.
- E agno vorassao me mena?
- Inze l paes de ra Bregaroles.
Pinochio l a pensa sora un iejo, e po l a dito zenza se fei sta:
- No, no voi vieni. Son deboto rua, e voi ’simin a ciasa, che l e me
pare che l me speta. Ci sa, por vecio, cuanto che l a traida agnere a
no me vede torna. El fato l e che son sta propio un catio, e 1
Soutaruco-che-parla l aea rejon canche l dijea: "I pize che no
35
