Pagina:Pinochio.djvu/27

Capitolo 10

I buratis i data so fardel Pinochio e i fesc gran bon azeto; sul pi bel vien fora Magnafo, el sd paron, e Pinochio el ris-cia dassen de ’si a feni malamente

Canche Pinochio l e rua inze inze l teatro dei buratis, l e ^Besen sae che l sipario l ea sta tira su e l teatro l ea beleche scomenza.
Sun scena se vedea Arlechino e Pulcinela che i se zufaa e, cemodo che i sore fei, i manazaa de se da un grun de slepazoi e de mazocades.
Ra ’sente, che ra vardaa atenta, ra se ra fejea deboto sote dal ride a scota el bateboi intra chi doi buratis, che i sin dijea da pe a caal e i sin fejea de ogni sorte, come che i fosse stade doa besties che rajona o doi ome de chesto mondo.
Cenone, Arlechino el lascia de fei ra so parte, el se volta in ’so ves ra ’sente che varda, el segna col diedo no sei ci ’so in fon del teatro e col so estro el craionea:
- Corpo del saleo moro! No sei se stravedo! Epura, chel la ’so l e Pinochio!...
- Ai, ai, l e el! -craia anche Pulcinela.
- L e propio el - craia ra sciora Rosana, che r a betu fora ra testa ’so dal pe de ra scena.
- L e Pinochio! L e propio Pinochio! - craia i buratis dute aduna e i souta fora da inpo ra scenes. - L e Pinochio! L e nose fardel! Viva Pinochio!...
- Pinochio, ’son cassu da mi, - el i craia Arlechino, - vien a inbrazora i to fardiei de len!
suzedu un fato che l a scioscioda fora dute.

27


27