taca su i pes agnoche i ’sia betude, e l i a taca de su tanto polito che
no se vedea gnanche ra ’sonta.
Canche el buratin el s a inacorto de ae i pes, l e souta ’so da ra toura
agnoche l s aea destira e l a scomenza a fei mile soute e mile
ciamuletes, che l someaa come mato.
- Par ve paga de duto chel che ae fato par me - l i a dito Pinochio a
sa pare - voi ’si alolo a scora.
- Varente, pizo.
- Ma par ’si a scora ei bisoin de algo da me bete inze daos.
Alora Bepeto, che l ea poereto e inze scarsela l no n aea gnanche un
cm, l i a fato su un viesti de carta coi fiore, un pei de scarpe de
scorza de brascion e na baretuca de molizo de pan.
Pinochio l e coresc direto a se varda inze un laaman pien de aga e l e
sta cosci contento de se vede viesti e calza, che co nafre de blaga l a
dito:
- Someo propio un scior!
- Sci zerto - l i a respondu Bepeto - e recordete che none dai sarvije
che se vede l scior, ma dai sarvije nete.
- A sto riguardo - l a ’sonta el buratin - par pode ’si a scora me
mancia ancora algo: me mancia l bon e l meo.
- Ce vosto di?
- Me mancia l Abeze.
- Toa da doi: ma cemodo one da fei par in tuoi un?
- Nuia de pi fazile: se va inze botega e se l cronpa.
- E i sode?...
- 16 no in ei.
- Gnanche io - l i a dito chel bon vecio, duto pasciona.
E Pinochio, anche se l ea senpre de bonumor, l s a aveli anche el:
parceche ra miseria, canche l e propio miseria, i ra vede dute, anche i
pize.
22
