 |
Questa pagina è ancora da trascrivere o è incompleta. | |
Capitolo 8
Bepeto el if esc su danoo i pes a Pinochio el se vende rafanela par i cronpa I Abeze
Ma Bepeto, par el castiga de ra baronada che l aea fato, l a
lascia che l ziasse e l sgnoufasse par na mesa ’sornada, e po l i a dito:
- Parce ebe da te fei i pes noe? Fosc par te vede scanpa danoo de
ciasa?
- V inprometo - l a dito el buratin piansen - che da ca inaante sarei
senpre un bon.
- Dute i pize - l i a respondu Bepeto - canche i tarentea algo, i disc
cosci.
- V inprometo che ’siarei a scora, inpararei e me fejarei onor...
- Dute i pize, canche i tarentea algo, i cianta chera laira.
- Ma io no son conpain de chi outre pize! Son el pi bon de dute e
digo senpre ra verita. V inprometo, pare, che inpararei un mestier e
sarei ra vostra consolazion co sare vecio.
Bepeto, che anche se l aea betu ’so ra scafa l aea i oce pies de
lagremes e i ea ’su ra duoia al cuore a vede el so por Pinochio inze
chi state, el no n a dito outro: l a tolesc su i atreze e doi biei toche de
len stajona e l s a betu a loura de bon sao.
Inze manco de un ora, i pes i ea beleche fate: doi biei peduche sute e
duto nervo, che i someaa fate da un gran artista.
Bepeto el i a dito al so buratin:
- Ades sara i ociuche e drome! Tote!
E Pinochio l a sara i oce e l a fato finta de dromi. Fin che el fejea finta
de dromi, co nafre de cola delegada inze na scorza de voo Bepeto l a
a ota pasciu, el buratin l a scomenza alolo a rugna e
sgnoufa che el vorea i pes noe.
21
| 21 |
