Pagina:Pinochio.djvu/151

E da in chel di, par zinche mesc e passa, l e lea duta ra bonores da res cuatro par ’si a tira su aga e se guadagna na copa de late, che ra i fejea tanto ben a sa pare cosci cripel. Ma l no se contentaa de chesto: fora ora, l a inpara anche a fei zeste col venco, e i sode che l ciapaa el i doraa par chel che vorea esse in ciasa. Pede outra robes, el s aea fato su anche un zezo par mena a spasso sa pare e i fei ciapa un bocon de aria co l ea bon tenpo.
Da dassera, ignante de ’si a dromi, el inparaa a liese e a scrie. Inze 1 paes la daejin l aea data par poco un gran libro meso scadarli, e sun chel el inparaa a liese. Par scrie, el doraa un macheto spiza come un lapisc: ’sa che l no n aea ne calamaro ne inciostro, el lo tociaa inze inze na bozeta de sugo de jajenes e ciariejes.
Co l e dinultima, con nafre de voia de s insegna, de loura e se tira inaante, l e sta bon de mantieni polito sa pare, che l ea senpre maradizo, e par de pi el s a anche betu via otanta lires par se cronpa i sarvije noe.
Un di l i a dito a sa pare:
- Vado ca via dal merca, a me tuoi na fanela, na bareta e un pei de scarpe. Co torno a ciasa (1 a ’sonta riden) sarei viesti cosci polito, che vardarei fora come un scior.
Fora de ciasa, el s a betu a core duto contento. In chera, el s a sentu ciama par gnon: el s a volta e l a vedu na bela boligana che vienia fora da na ceja.
- No me conoscesto pi? - ra dito ra Boligana.
- Fosc sci e fosc no.
- No te recordesto pi de ra Boligana che fejea ra massara in ciasa de ra Fatazina coi ciaei zelestes? No te sovienelo incraota che son vienuda ’so a te daerse e te sos resta la con un pe fonda inze inze ra porta?

151


151