In chera, i a paru de vede algo de tondo e de bianco inze par intra ra
spazadures, che someaa deboto un voo de pita. Par i souta sora, a
Pinochio i a voru esse un iejo. L ea propio un voo.
No se po gnanche di ce contento che l ea chel buratin: se po solo se 1
fegura. El cardea de s ae insonia: el palpaa el voo de dute i veres, el
lo tociaa, el lo busciaa e l dijea:v
- E ades, cemodo ebe da l coe? Ebe da me fei na fartaia? No, l e meo
el coe inze r aga!... No saraelo meo l frise inze farsuoira? E se inveze
1 coesse fin a meso e po me l beesse? No, meo de duto l e el coe inze r
aga o inze farsuoira: ei massa chiza de me l magna!
Dito e fato, l a betu un farsorin sul sporer: inze l farsorin, inveze de
vonto e smouzo, l a betu na gota de aga: e canche r aga r a da el boi,
tach!... l a roto l voo par el bicia la inze.
Ma inveze de ra s-ciara e del ros, l e scanpa fora un puloto duto
contento e pien de riguardo, che l a fato scioria a Pinochio e l a dito:
- Gramarze ben, scior Pinochio, de m ae sparagna ra fadia de ronpe 1
voo! Sanin dapo, stajeme ben e saludai dute a ciasa!
Dito chesto, l a betu fora r oujores, l e oujora su sun funestra e l sin e
scanpa via.
Chel por buratin l e resta de sas, coi oce e ra bocia daerta e ra scorzes
del voo inze man. Na ota torna in ca, l a scomenza a pianse, a
sgnoufa, a peta i pes da ra rabia e piansen el dijea:
- Anche l Soutaruco-che-parla l aea rejon! Se no min fosse scanpa de
ciasa e se me pare el fosse ca, ades no sarae ca che moro da fame!
Oh, ce na gran desgrazia che l e padi fame!...
E ’sa che ra panza ra seguitaa a brontola e l no saea cemodo fei a ra
chieta via, l a pensa de fei un souto fin inze l paeseto la daejin, par
vede se l ea calchedun de bon cuore che l i podea da un toco de pan.
15
