 |
Questa pagina è ancora da trascrivere o è incompleta. | |
- E can tornera?
- Ra no torna pi. R e moesta agnere, duta ingramazada: ra chetinaa e
someaa che ra voresse di: "Por Pinochio... no l vedarei mai pi... da
sta ora se l ara beleche magna el Pescion!..."
- Ara dito propio cosci? Alora l ea era!... l ea era!... l ea ra me
Fatazina bona!... l a scomenza a craia Pinochio, e l bregaraa come
na feda.
Canche l a bregara assei, el s a spaza via i oce, l a ingruma nafre de
strame par fei conza ’so el vecio Bepeto, e po l i a damanda al
Soutaruco:
- Dime Soutaruco: agno pode data na copa de late par chel por pare?
- Fora ca par ra canpagna, l e ’Sorso el frutariol, che l a anche
armentes. La da el te ciataras el late che te dores.
Pinochio l e ’su de coren da ’Sorso, e l frutariol l i a dito:
- Cuanto late vosto?
- In voi na copa piena.
- Par na copa piena voi doa lires. Dameres, e te dago el late.
- No n ei gnanche un cru - l a respondu Pinochio duto pasciona.
- Malamente, buratin - l a dito el frutariol. - Se tu no t as gnanche un
cru inze scarsela, io no n ei gnanche un diedo de late in ciasa.
- Passienza! - l a dito Pinochio, e l a fato par sin ’si.
- Speta, speta - l a dito ’Sorso. - Podasson anche se corda, nosoutre
doi. T induraraesto a tira su aga?
- A fei ce?
- A tira su aga dal pozo, par bagna l orto.
- Podarae proa...
- Alora tireme su zento sees de aga, e te pago co na copa de late.
- Son intendude.
’Sorso l a mena l buratin inze orto e l i a insegna cemodo tira su r aga
dal pozo. Pinochio el s a betu alolo a lour a, ma ignante de ae tira su
149
| 149 |
