Pagina:Pinochio.djvu/148

Pinochio e Bepeto i a seguita par ra so strada zenza pi se volta. I no n aea fato zento pasc che, fora in son de na stradela inze meso ra canpagna, i a vedu un bel cason de strame, coi cope sun cuerto.
- La inze sara de seguro calchedun - l a dito Pinochio. - ’Son a vede.
I e ’sude e i a peta su ra porta.
- Ci elo? - a respondu na ojeta.
- Pare e fiol, doi poerete zenza ciasa e zenza nuia da magna -1 a respondu el buratin.
- ’Sira ra ciae, e daerse ra porta - ra dito danoo chera ojeta.
Pinochio l a ’sira ra ciae, e ra porta rasa daerto. Na ota inze, chi doi i a varda in ca e in la, ma inona vedu negun.
- Agno elo el paron? - l a damanda Pinochio.
- Son cassu!
Pare e fiol i s a volta a varda su sote, e i a vedu sun un trao el Soutaruco-che-parla.
- Oh! El me bel Soutaruco - l a dito Pinochio, duto pien de creanza.
- Ades te me ciames "el me bel Soutaruco", gnero? Te pensesto che, par me para fora de ciasa toa, te m aees tira un martel?...
- T as rejon, Soutaruco! Pareme via anche me... tireme anche a mi el martel, ma ebe almanco conpascion de chel por pare...
- Me fesc peca el pare e anche l fiol; ma voi solo te fei vieni in mente ra stanpata che t as abu incraota con me, par t insegna che inze sto mondo, se se po, l e meo esse cortejane con dute, se voron che chi outre i see cortejane con nosoutre canche on bisoin.
- T as rejon, Soutaruco, toa da doi; me tienarei a mente chel che te m as insegna. Ma dime, cemodo asto fato a te cronpa sto casoneto?
- Sto casoneto me l a lascia agnere na bela cioureta zeleste.
- E ra cioura agno era ’suda? - l a dito Pinochio, con na gran chiza de sae.
- No sei.

148


148