Dito e fato, i e ’sude fora par el col del mostro e, na ota made inze ra
so bociona, i a scomenza a camina in ponta de pes su par ra lenga,
cosci larga e cosci longa che someaa un stradon. I ea ormai beleche al
ordin par fei un souto e se bicia inze inze l mar, canche, iusto sul pi
bel, el Pescion l a starnuda e l a tanto sgorla che Pinochio e Bepeto i
sin e ’sude indrio schena e i s a rebalta danoo fin inze inze l so
stomego.
Gouja l colpazo, ra ciandera rasa studa e pare e fiol i e restade a
scuro.
- E ades?... l a damanda Pinochio, che l ea vienu duto serio.
- Ades, pizo me, s on roina.
- Parce roina? Dajeme ra man, pare, e tendei a no slezia!...
- Agno me menesto?
- On da proa danoo a scanpa. Vieni con me, e no n aede festide.
Dito chesto, Pinochio l a tolesc sa pare par man e, senpre in ponta de
pes, i e tornade pian pian su par el col del mostro; i e passade fora
par meso ra lenga e i e soutade via par sora dute chi dentes.
Ignante de souta ’so inze r aga, el buratin l i a dito a sa pare:
- Montame su sun schena e strucame polito. Penso io a chel che vo
esse.
Canche Bepeto el s a posta polito su ra spales de so fiol, Pinochio,
ormai seguro de chel che el fejea, el s a bicia inze inze r aga scura e 1
a scomenza a noda. El mar l ea slisc come l oio: ra luna ra lujia e 1
Pescion el seguitaa a dromi come un tas: no l arae desceda gnanche
na canonada.
144