 |
Questa pagina è ancora da trascrivere o è incompleta. | |
Capitolo 5
Pinochio infamenta el va a vede d un voo par se fei na fartaia, ma sul pi bel ra fartaia ra oujorafora da rafunestra
Intanto scomenzaa a vieni scuro, e Pinochio, che el saea de no n
ae magna ancora nuia, el s a sentu algo inze l stomego che
someaa propio fame.
Ra fame dei pize ra cresce de oga, e cosci Pinochio dapo poche
menute l aea ancora pi fame e, inze un vede e no ede, i e vienu na
fame orba, da no vede gnanche pi fora.
Chel por pizo l e coresc alolo inze cojina, agnoche l ea na tecia che
coea, e l a fato par ra descuercia e vede ce che l ea inze, ma ra tecia r
ea solo piturada su par el muro. Pensave ce mal che l e resta! El so
nas, che l ea oramai longo, el s a slonga de almanco cuatro diede.
Alora l a scomenza a ’si in ca e in la, a sciascigna duta ra cassetes e
dute i buje, par vede de un toco de pan, mangare seco, na crosta, un
os refuda dal cian, nafre de polenta co ra mufa, na spina de pesc, un
boton de ciarieja, algo da bete sote i dentes: ma l no n a ciata nuia,
nuia de nuia, propio nuia.
Intanto ra fame ra crescea, ra crescea senpre de pi: e chel por
Pinochio el no podea fei outro ca spadea, e l spadeaa cosci a ra longa
che de ra otes ra bocia ra i ruaa fin su da ra rees. E dapo de ae
spadea, el sbutaa ’sobas e l sentia che l stomego i dorea senpre de pi.
Alora el se desperaa e l dijea piansen:
- El Soutaruco-che-parla l aea propio rejon. Ei fato mal a me volta
contra me pare e a min ’si de ciasa... Se me pare el fosse ca, ades no
me desganasciarae dal spadea. Oh! Ce burto che l e padi fame!
14
| 14 |
