- Brao, Pinochio! Ades fejei mo vede a ste sciore cemodo che ’si
polito col cercio.
Pinochio l a proa doi o tre colpe, ma canche l ruaa daante l cercio,
inveze de passa inze par meso el passaa pi comodo de sote. A ra fin,
1 a tira un souto e l e passa inze par meso; ma par desgrazia, ra zates
daos es s a ciapa inze inze l cercio e l e toma danoo ’sobas come un
lea.
Co l e lea su, el zotignaa e l e ’su chel tanto adora a sin torna inze
stala.
- Pinochio, vien fora! Voron el muse! Fora l muse! - craiaa i pize dai
palche, dute pascionade e ingropade par chel che l ea suzedu.
Ma par chera sera el muse el no s a pi fato vede.
Del indoman bonora, el mariscalco, che sarae el dotor de ra besties,
canche el l a vedu, l i a dito alolo che l sarae resta zoto par duta ra
vita.
Alora el diretor l i a dito al so famei:
- Ce vosto che min feje de un muse zoto? El me costarae ciaro e l no
me rendarae nuia. Portelo al merca e proa a l vende danoo.
Rua al merca, el famei l a data alolo un che vorea el cronpa, e l i a
damanda:
- Cuanto vosto par sto muse zoto?
- Vinte lires.
- T in dago cuaranta, ma no sta a crede che l tole par el dora; el tolo
solo par ra pel. Ei vedu che l a na pel bela grossa, e ra vorarae dora
par fei un tanburo par ra banda del me paes.
Pize miei, ve lascio pensa ce acaro che l ara abu chel por Pinochio, a
senti che l ea destina a deenta un tanburo!
Chel che se l aea cronpa, dapo de ae paga cuaranta lires, l a mena el
muse sul lido del mar, el i a betu un sas intor el col, l i a lea na zata
131
