Questa pagina è ancora da trascrivere o è incompleta. |
- Ai, Paero, t as propio rejon! Se ancuoi son un pizo contento, l e solo
gouja toa. E inveze, sasto ce che l me dijea de te el maestro? El dijea
senpre: - No sta a te bete con chel canipa de Paero, che l e na fegura
strazada e l no po t insegna outro ca a fei malagrazies!...
- Por maestro! - l i a respondu chel outro, e l sgorlaa ra testa. - Sei
ben che l no me podea lanpa e l se godea a me da senpre daos, ma
son un bon e l ei pardona!
- Ce un varente che te sos! - l i a dito Pinochio: l a inbrazora su Paero
e el l a buscia inze meso i oce.
Chera cucagna ra ’sia inaante da zinche mesc: i pize smatisaa e se ra
godea dutaldi, zenza mai varda un libro o vede na scora: fin che un
di Pinochio el s a desceda e cemodo che se disc, el s a fato de mereea
a vede che...
118
118 |