Questa pagina è ancora da trascrivere o è incompleta. |
Pinochio el s a deboto spasema: l a varda da una e da r outra par
capi da agnoche ruaa chera paroles, ma l no n a vedu negun: i muse i
’sia de galopo, el ciar el corea, de inze i pize i dromia.
Paero el tiraa el sion e chel on in scerpa el ciantaa:
DI NOTE DUTE I DROME
MA IO NO DROMO MAI...
Dapo de un outro meso chilometro, Pinochio l a sentu danoo ra ojeta
i di:
- Recordete polito, piscion de un tanburo! I pize che lascia de inpara
e i bete da na banda i libre, ra scores e i maestre par ’suia e fei fraia
dutaldi, i po fei solo na por fin!... El sei, parceche r ei proada!... E
ades pos te l di! Un di te vaiaras anche tu cemodo che fejo io... ma
sara massa tarde!...
El buratin, scoutri da chera paroles dites sote osc, l e souta ’so dal
muse e l e ’su a i fei na careza sul mus.
Pensave ce mal che l e resta, canche el s a inacorto che l muse el
piansea...el piansea propio conpain de ra famea!
- Vos, guciar - l i a craia su Pinochio al paron del ciar - saeo ce che
suzede? Sto muse el pianse.
- Lascia che l pianse: el di che l se marida, el ridara.
- Ma no i are mia insegna anche a parla?
- No: l a inpara da soposta a sbrodoncia, parceche l a sta tre ane coi
ome che i insegna a bala ai cei.
- Por bestia!...
- Po dai dai - l a dito el guciar - no podon straza l tenpo a varda un
muse che pianse. Monta su danoo e ’sossin: l e frescoto e ra strada r e
longa.
Pinochio l a obedi zenza di nuia. El ciar l e moesc danoo e de 1
indoman bonora i e made inze l Paes dei Bebi.
116
116 |