 |
Questa pagina è ancora da trascrivere o è incompleta. | |
- Ah! Ades ei capi, - r a dito ra Boligana. - Speta un iejo, vieno ’so
alolo a daerse.
- Sentreave, ve preo, che son duto inbrami.
- Pizo, io son na boligana, e ra boliganes esnona mai prescia.
Intanto l e passa un ora, in e passa does e ra porta ra no se daersea.
Pinochio l tremaa par el fiedo, el festide e ra pioa: dinultima, el s a
fato corajo e l a da na batociada pi forte su ra porta.
Dapo de ra batociada, s a daerto na funestra al pian de sote e l e
vienu fora danoo ra Boligana.
- Boligana bela - l a craia su Pinochio da ra strada - l e do ores che ve
speto! E co sto guergno, do ores es e pi longhes de doi ane. Ve preo,
sentreave.
- Pizo - ra i a respondu da ra funestra ra boligana, zenza se sciouda
gnanche nafre - io son na boligana, e ra boliganes es no n a mai
prescia.
Era sara danoo ra funestra.
Poco dapo l a sona mesanote, e po un ora, e po res does, ma ra porta
r ea senpre sarada.
Alora Pinochio l a pardu ra passienza; duto stiza, l a ciapa inze el
bateor e l a peta un colpazo che s a sentu par duto l ciasamento: inze
un vede e no ede el bateor, che l ea de fer, l e deenta un bijato, el s a
svinca da ra so mas e l s a bicia inze inze l rueto che corea ’so par
strada.
- Ah! R e cosci? - l a craia Pinochio, senpre pi fora de ra vies. - Se 1
bateor el no n e pi, seguitarei istesso a peta, e tirarei spedazades.
L a zessa nafre e l a tira un spedazon su par ra porta con duta ra
forza che l aea. Ra tonada r e stada cosci granda che l pe el s a fonda
inze inze l len fin a meso: canche l buratin l a proa a se svinca, l a
fato na gran fadia, ma no n a ’soa nuia, parceche el pe el s aea
incioda inze come un rebatin.
105
| 105 |
