Ci in dijea una, ci un outra.
-Por pizo! - dijea alcuante - l a rejon se l no vo torna a ciasa! Ci sa ce
de paches che l i da, chel pezo de on de Bepeto!...
E chi outre i ’sontaa, co nafre de catieria:
- Bepeto somea un galanton, ma co ra famea l e propio un catio! Se i
lascia chel por pizo inze man, l e bele bon de in fei cuatro toche!...
I a tanto dito e fato, che l polizioto l a mola Pinochio e l a mena in
prejon chel por Bepeto. ’Sa che l no saea cemodo se defende, Bepeto
el piansea come un pizeto e, su ra strada par ’si in prejon, el
balbotaa:
- Mostricio de un fiol! E pensa ce na fadia che ei fato par ae un
buratin nafre da sesto! Peso par me! Incraota, aee da pensa sora
meo!...
Ce che l e suzedu dapo l e na storia da no crede, e ve ra contarei inze
i capitole che vien.
10
