 |
Questa pagina è ancora da trascrivere o è incompleta. | |
| - 80 - |
- Per la Vestizion d’ona Monega.
- SONETT
- Rezitaa in Refettori, da ona giovena Professa
- el dì del past della sposa.
Se dis che el mond l’è on scrocch, l’è ona gabella,
E nun de fatt el credem con reson;
Bastarav a fann fed la tradizion,
Ma gh’è quaj prouva de maross pù bella.
Cossa vorii de pù, cara Sorella,
Che di sò istess client la confession?
Ma quest l’è cinqu in vin: per confusion.
Del mond e di mondan gh’emm anca quella
Impunemanch, se nol manten parola,
Se el mond l’è on traditor, bougna ch ’ el diga,
L’è on traditor che el fa tirà la gola.
Ma vu, sprezzand, moinn, carezz, regall,
Come tutt fudess manch d’ona formiga,
Per corr adree al Signor, gh’hii voltaa i spall.
