 |
Questa pagina è ancora da trascrivere o è incompleta. | |
| - 66 - |
Sbaguttii de sto parlà,
Vuj scusamm de intrà in sta lizza,
Chè no gh’boo bast de portà
Giurabrio, sta paccagnizza:
Me resolvi: butti indree
La cardega, e salti in pee.
Ma in quell’att, mi poverasc!
Dervi i cucc, me trœuvi soll
Tutt’ansant in sul pajasc
Biott el stomegh, biott el coll,
E m’accorgi in fin di fin
Che l’è on sogn de Meneghin.
