E Lissander el sacrista
L’è ona pezza come va:
Prœuva on poo a tegnill de pista,
Se nol fa strasecolà;
Te diree: L’è on angerin,
E gh’han miss el collarin.
Chi mettendes in sul seri,
E calcandem ona man
Su la spalla et Balestreri,
El sclame: Pover Milan!
Già t’elsee, no l’è pù quell:
Ah linœucc! tutt va a rebell.
I nemis l’han traa sottsora
Come ai temp de Barbarossa,
L’han sporcaa, buttaa in malora,
L’han redutt ch’el me fa ingossa.
Maladetta libertaa!
Passaport de tucc i maa.
I nemis che, inguaa di lader,
Dopo ave spojaa ogni cassa
E granii libroni e quader,
Sora i Ges han faa man bassa.
Nè se ved pù, catt’incust!
Candirce d’argent, nè bust.
