Figurev che in su la prima
El me butta i brasc al coll "
E parland semper in rima,
El me dis di bej paroll:.
Mi voo in gloria... Oh che bon vent!
Presto presto andemm de dent.
Ghe domandi se l’è stracch
Ghe usebissi el ciccolatt;
Ma lù in aria de bislacch
El respond: Deventet matt!
Cossa serva el fà misteri:
L’era propi el Balestreri.
Sont vegnuu dai camp Elis,
El me dis, domà per tì;
O linœucc, che paradis
T’ee trovaa in sti temp dent chì!
Cossa serv? Già soo tusscoss:
Lassem dì: vuj vojà’l goss.
In st’ospizi del Signor,
Dimm on poo, car camarada,
Se no gh’è ogni sort de fior,
E nodigh nò de parada;
Ma de fior che hin tucc botton.
De bej frut, di frut pù bon.
