 |
Questa pagina è stata trascritta e formattata, ma deve essere riletta. | |
| - 49 - |
- On Perrucchee, brav omm, vanzaa
- de post dal sò Padron, el ghe
- dà in ringraziament sto
- SONETT.
L’uguaglianza a sto mond la se dà nò:
Quell’el comanda, e quest l’ha de ubbedì;
Lù l’è on anger d’ingegn, mi on tabalò:
Quell Lassù per nost ben l’ha volsuu inscì.
Ona man lava l’oltra, e i man tucc dò
Laven la faccia: vorrarev mò dì,
Che se ognidun tendess a fà el fatt sò,
Sarav bell fa el padron, bell el servì.
Ma l’ozi, la golascia, l’ambizion
Sturben la pas, fan nass millia lament,
Chè no amen stà soggett i pocch de bon.
Per mi che sont dò væult sò servitor,
Ghe sont insci obbligaa, sont tant content,
Che no respiri pù che i sò favor.
