 |
Questa pagina è stata trascritta e formattata, ma deve essere riletta. | |
| - 39 - |
Traduzion del bell Madrigal
in d’on Sonett Milanes.
Quell biridœu che se domanda Amor
L’era a Mantova, e in aria de lizon,
Senza la mamma e senza on servitor,
El zavajava on dì su i bastion.
Quand el ved tutt a on bott a sbotti on fior
Bianch come el lacc, e el sent ch’el sa de bon:
Li el se mett per cattall... e. ahi che dolor!
L’è on gili, el dis; ma el spong pesg che on cardon.
El retira el manin tutt sanguanaa,
E lassand el bell fior fresch a sò sit,
El piang, el baja come on can scottaa.
In sto quadrett, fiœuj, mi m’è duvis
De vedè, de destingu ciar e polit
I mèret e i trionf de San Luvis.
