 |
Questa pagina è ancora da trascrivere o è incompleta. | |
| - 235 - |
Proponiment de Meneghin
SONETT ULTEM.
Hoo faa di vers per spassamm via, sciur sì;
N’hoo faa per commission di centenee;
N’hoo faa per Mess, per Monegh, ma pussee
Per i tosann che andaven a mari.
N’hoo faa, part in Milan, part via de chi,
E asquas tucc. in lenguagg di mee Messee,
Perchè la rima la me corr adree
Vestida in meneghin senza inmatti.
Hoo protestaa, e propòni: N’en foo pù,
Per no sentimm a dì, se en fass anmò,
Forniss de seccà el prossem, turlurù.
Ma se hoo seccaa la gent, poss anch vantamm
Che i mee rimm hin moral. Porcarij nò:
Nè hoo mai cantaa n’anch i bellezz di Damm.
- Et hic finis.
