 |
Questa pagina è stata trascritta e formattata, ma deve essere riletta. | |
| - 192 - |
SONETT OTTAV
Se i vost’œucc, se i vost man, se fina i pee
Hin occasion de scandol, ah! puttost
L’è mej che vej strappee, che vej tajee,
Che condannaj a on sempiterno rost.
Donn, che d’andà alla moda ve vantee,
E, i brasc, e el coll, e asquas asquas i cost
Tegnii sbiottaa sfacciadament... tremee
A sto test sacrosant del Signor nost.
Che scandol pesg de quest no s’è mai vist,
Scandol che menna i anem in perdizi,
Che indura i donn a fa la guerra a Crist.
Che stermenado taj de carna guasta
Ve toccarav de fà! Ma strappee el vizi:
Tajee via l’occasion. Quest a Dio, basta.
