 |
Questa pagina è stata trascritta e formattata, ma deve essere riletta. | |
| - 185 - |
SONETT PRIM.
- ---
La coppa, i spall, i brasc, el stomegh biott....
Ah! donn del temp d’adess, disimm, eel quest
El pudor tant vantaa del sess modest,
Ch’el pretend anch el titol de devott?
O moda infama e porca, che in d’on bott
L’ha somenaa, l’ha spantegaa la pest
Per tutt Milan del vizi disonest
Ch’el tirè i fiamm su la zittaa de Lott!
Quest l’è on orror, l’è on scandol del malann;
Che el pòpola l’inferno a tucci or
De maridaa, de védov, de tosann.
Nè i donn del dì d’incœu ghe piomben pù
Calzaa e vestii; chè han d’avè l’alto onor
De andà sbiottaa in di sgriff de Belzebù.
