 |
Questa pagina è ancora da trascrivere o è incompleta. | |
| - 160 - |
In onor de Sant’Isepp.
- ---
- SONETT.
Sant’Isepp l’ha perduu el sò car Gesù,
E per trii dì e tre noc core poeù cor,
El va de scià e de là, nol ne pò pù,
Finchè el le trouva al Tempi intra i Dottor.
E nun scavezza-coll, fior de vertù,
Pèrdem peccand pur tropp noster Signor,
E senza n’anch cercall, nè guardà in sù,
Femm goghetta dì e nocc de tucc i or.
Car el mè Sant, vorressem fà giudizi,
E forni sta boreja; ma sentii:
Senza del vost ajutt vemm in perdizi.
Via, semm chì per dà cunt di nost’azion:
N’emm faa de tucc i razz; ma semm pentii!
Sant’Isepp, soccorrinn! Signor, perdon.
