 |
Questa pagina è ancora da trascrivere o è incompleta. | |
| - 159 - |
- Per la festa de SANT’ISEPP
- protettor di pover moribond.
- --
- SONETT.
Ghe l’hoo cont i pittor de bon mercaa
Che me fan Sant’Isepp, giura Taddee!
Con la crappa pelada, e d’on’etaa
Che el par de Maria Vergina el messec.
No l’eva nò el nost Sant tant’attempaa
Quand el tœuss la Madonna per miee,
Nè quand l’andè in Egitt, nè quand tornaa
Da quell viagg, el fava el legnamee.
Ma coss’occorr, ficuj, de s’cervellass
Per custion che no varen ona busca?
Sant’Isepp l’è on santon de prima class;
L’è l’avvocat di pover moribond:
Stemm donca attacch a lù, che in l’ora brusca
Bougnarà che Bargniff se vaga a scond.
