 |
Questa pagina è ancora da trascrivere o è incompleta. | |
| - 158 - |
- Al sciur Abbaa Garion
- che credendes d’avè crompaa duu fazzolitt
- de scorza d’albor, el se trovè in man
- on bell scartozz d’insalata.
- ---
- SONETT.
In quattr’cucc, Don Lissander, eel mò vera
Quell che hoo sentuu a cuntà, che m’è staa ditt,
Che l’olter di per mira a straa risera
Avii faa on bell ’ acquist de fazzolitt?
Ma quell mercant l’avii sguisii pœù in ciera;
V’hal lassaa ben lumà de invers, de indritt
La mercanzia? Perchè, temp’è, temp’era,
E adess anch senza cart se fa i folcitt.
Car el mè Abbaa, no ve credissev nò,
Che voeubbia mincionav coi mee strambott,
Come fa quell brôbrô cont i gogò.,
L’è on bell cas se i pannett in d’on fagott
Even de scorza d’albor, e dopò
Hin deventaa de scorza d’erba a on bott.
