 |
Questa pagina è ancora da trascrivere o è incompleta. | |
| - 135 - |
- Traduzion in meneghin
- del Sonett: Taci, bronzo lugubre, ecc.
Forniss de tontonà, brutta campana,
Che te me fee morì per el spavent.
Dan! dan dan! hoo perduu la tramontana;
Ecco la sepoltura, e ghe sont dent.
La mort la m’ha instecchii: sont giò in la tana
A mesturon coi oss di mee parent:
Gh’è in gesa catafalch, scira nostrana,
Pret che bescanta, furegozz de gent.
La vedova mia donna in condizion
Caraguand la me dis: Requiemm eterna;
E fin la cà la piang el sò patron.
Intant la pover’anema dov’èli?
In Paradis, oppur, ohimè! a l’inferna?
Ah! campana, alto lì: mi tremi e geli.
