- Meneghin in perucca.
- SONETT.
Sott al tremendo regn di sciur Franzes,
E si che n’hoo passaa de tucc i sort,
Casciaa in preson, mandaa in lontan paes,
No soo n’anch mi com’abbia faa a stà fort.
Tass, allogg, angarij, spes sora spes,
Ma saldo pϝ, anch a priguer de la mort,
A conservà i mee usanz, a andà in di Ges,
Senza vegni per quest nè ross, nè smort.
In mezz ai coo de louff, ai Giacobin,
N’hoo mai volsuu a nessun sacreficà
Nè i mee duu car rizzitt, nè el mè covin.
Ma rivaa appenna el nost Imperator,
Dopo èssem sul moment faa bertonà,
Sont compars in sgrazzetta al par d’on scior.
