Cavanagh... El sò nom basta
Per formagh la soa inscrizion:
Che bell cœur! che bona pasta!
Che modell de perfezion!
E la mort su on’ostaria
La ne l’ha de ranzà via. 1
Brutta mort! Ma sont pur matt
A scoldamm contra costee,
Se l’usà sti fatt de fatt
L’è on dover del sò mestee:
L’è el Signor ch’ha volsuu înscì,
E nun l’emm de benedì.
Su la mort de sto brav scior
Hoo miss giò duu sonettitt 2(2)
Per da sfogh al mè dolor,
Che anch che varen pocch sesitt
Fan vedè che al qualis vita
Correspond el finis ita.
Dopo on colp inscì improvvis
Che el n’ha faa restà de sass,
I gaslitt di nostamis
Comenzenn a sparpajass:
Chi a Venezia, chi a Bassan;
Quajgherun tornè a Milan.
- ↑ El sciur Cont Ambroeus Cavanagh l’è mort in Padova su ona locanda dove el s era miss d’allogg el di 6 d’agost del 1800.
- ↑ Leggonsi alle pagine 68 e 69.<Leggonsi alle pagine 68 e 69.
