 |
Questa pagina è stata trascritta e formattata, ma deve essere riletta. | |
|
" Quj picciur...
SONETT TERZ
E
va, e Adam de balocch fœnn la scappòlaDe mangià el pom, ch’eva inibii el SIGNOR,
E dopo esses lassà tirà la gola,
De trovass biott tucc dùu sentinn rossor.
E adess hin tant sfacciàa, gh’han tanta tòla
I dessendent di prim dùu peccator,
Che se pò di ch’han la vergogna sola
De vergognass del sò rossor de lor.
Per quest fin su i manilli picciuràa
Su i stucc, su i scatolett, sui parafoeugh
No se ved pù che infami, e nuditàa.
Ah! SIGNOR, se a purgà sto nost Paes
No avii miss man sta voeulta all’acqua, e al foeugh
N’hii mandàa giò on deluvi de Franzes.
