 |
Questa pagina è stata trascritta e formattata, ma deve essere riletta. | |
| ⭑[ V ]⭑ |
Bon per mì, che sont on ciall,
Che foo rimm’alla bislacca
E nessun m’ha tolt in fall
Per rugamm’in la casacca,
Se de nò coi toeu Sonitt,
Meneghin, te sevet fritt.
Sont stàa a moeuj d’ona manera
In sto temp di nost desgrazi,
Che anc’adess no me par vera
De trovamm de dent di dazi:
N’hòo passàa de tucc’i sort,
Car Signor! asca la mort.
Ma se in mezz a tanc tempest
Hòo salvàa la mercanzia,
Dovaroo fa vaga al rest,
E de matt buttalla via?
Ve respondi; Oh! quest peu nò;
L’hòo tegnuda, e l’è chilò.
