Se no l’eva el Patronscin
A famm spiret, e coragg
Con di bon fiaschitt de vin;
Gran remedi contra i scagg,
Credii pur, che mi no fava
Gnanch’on vers, o che i brusava.
Sott’ai Porr, e ai Lattuada,
Sott’al Regn de Bonapart,
Nocc’e e dì senza imbassada
Se inquisiva el terz, e’l quart,
E pur tropp l’eva on delitt
Bell’, o brutt el menem scritt.
El la sà l’Abbàa Bucchett,
Quel bravv❜omm, giura Taddée!
Che ’l s’è vist cont el lucchett
Alla gora, e i bogh ai pèe,
Per on scritt, che quj diavel
Ghe trovenn on di sul tavel.
