 |
Questa pagina è ancora da trascrivere o è incompleta. | |
| ⭑[ 45 ]⭑ |
- Quand l’è stàa che Milan
- l’ha comenzàa a sonà de crepp
SONETT
L’è ben dò donzènn d’agn, che anch’a Milan
S’è stravaccàa el costumm, s’è cambiàa vitą:
L’è fin dal temp, che i maladitt magnan
Han tossegaa la micca ai Gesuita.
Tolt alla Religion quel barbaccan,
L’è saltàa foeura in abet de romita
El Giansenisma a predicà ai baggian,
E a falla coi Student de Archimandrita.
In poch temp s’è attaccàa in di nost contrad
La pesta de Pistoja, e de Pavia,
E trionfenn’i vizi, e i baronad.
Papa, Fràa, Sacrament, coronn, mission
Oibò.... Ma che? s’è vist l’ipocrisia
Fin d’allora a montà sul cardegon.
