 |
Questa pagina è ancora da trascrivere o è incompleta. | |
| ⭑[ 43 ]⭑ |
Che bell’ozi! che bel scrivv
In sto santo remitagg!
Chi anca mì, se fudess vivv,
De fà vers nò sarevv sagg;
El to coo pèu in d’on impegn
No l’è minga on còo de legn.
Gh’è penuria d’argument
In sto secol infernal,
In sta fogna, in sta sorgent
D’uguaglianza d’ogni mal?
Alto su mettet in lenna,
Lassa andà domà la penna.
Sbaguttii de sto parlà,
Vui scusamm de intrà in sta lizza,
Che no gh’hòo bast de portà
Giura brio! sta paccagnizza:
Me resolvi: butti indrée
La cardega, e salti in pèe.
