 |
Questa pagina è ancora da trascrivere o è incompleta. | |
| ⭑[ 42 ]⭑ |
Che sciabblad l’abba tolt sù
Per sto spiret maladett
Introdutt da sti Monsù
El lenguagg del nost Brovett,
Vel diran fina i fioeu
Che gh’han sporch el camisoeu!
Pittoccon, Sabett, Veggiann,
Han in cunt de cacca, e vermen
Quand descorren, i bambann
Che se usava coi nost termen;
E tucc voeuren fà el sò spicch
Sbraggiand: Vive la Republicch!
Meneghin no te ritira,
Se te sèe bon patriott,
No me stà a fa el ciribira:
T’ée de venc on terna al lott:
O che onor! che gran fortuna
Se te poeu vegninn’a vuna!
