 |
Questa pagina è ancora da trascrivere o è incompleta. | |
| ⭑[ 40 ]⭑ |
T’ée de mettet sù i mèe pagn,
T’èe de scrivv rimm Milanes,
Per refà in sta part i dagn
Che alla Patria fa i Franzes.
Fin Baltramm, fina Ciocchin
Tucc deventen Giacobin.
Al Pont-veder, in Cordus.
Al Carobbi, al Broeu, al Verzèe,
L’è già andàa squas in desus
El parlà di nost Messée;
Quel parlà, ve’l diga el Tass
Ch’hòo fàa mi, degn del Parnass.
Stravaccàa che sia el costùm,
Ona povera Zittàa
L’è ona nocc, che no gh’ha lùm,
L’è on gigant’imbriagàa,
L’è on desert, l’è ona brughera,
Dove i loff van’a stondera.
