 |
Questa pagina è stata trascritta e formattata, ma deve essere riletta. | |
| ⭑[ 37 ]⭑ |
E Lissander el Sacrista
L’è ona pezza come và;
Proeuva on pòo a tegnill de pista
Se no ’l fa strasecolà!
Te dirèe: l’è on angerin..
E gh’han miss el collarin.
Chi mettendes in sul seri,
E calcandem ona man
Sulla spalla el Balestreri,
El sclamaè: Pover Milan!
Già te’l sèe... nò l’è pù quell,
Ah! Linoeucc! tutt và a rebell!
I Franzes l’han tràa sott sora,
Come ai temp de Barbarossa!
L’han smerdàa, buttàa in malora,
L’han redutt che ’l me fa ingossa,
Maladetta libertàa
Passaport de tucc’i màa!
