 |
Questa pagina è ancora da trascrivere o è incompleta. | |
| ⭑[ 32 ]⭑ |
L’eva on mort ressussitàa,
Che’l m’ha propi slargàa el coeur:
Se diravv, che’l m’ha toccàa
Ditt e fatt dove me doeur:
L’eva on mort, che al prim vedell
Boeugna di; l’è propi quell.
No ’l gh’aveva in còo el lenzoeu,
Come in l’ora di can dir
Hoo sentùu fin da fioeu
Che portaven i vampir:
No’l spuzzava de marsciura,
Nè d’ossam de sepoltura.
L’era bianch, e ross in ciera,
L’era lenc comè on lacciott
Orsù ai curt: savii chi l’era?
L’era minga on ballabbiott,
Stée a sentì; fegh de baretta;
Ah! fioeui l’era on Poetta.
