 |
Questa pagina è ancora da trascrivere o è incompleta. | |
| ⭑[ 28 ]⭑ |
SONETT SEGOND
Sappièe che mai no placarii el SIGNOR,
Se no dirii: Pietàa perdon de coeur,
Quel SIGNOR che’l pazienta fin che ’l voeur;
Ma pèu l’arriva addoss ai peccator.
Chi l’è, che adess possa saltà, nè cor
Sott’a on staffi, che ’l batt dove ve doeur?
Sii tucc stremii, comè i fancitt’ai schoeur
Scuccia i danèe, sfumàa i grandezz, i onor.
Ma el pesg, fioeui, del gran flagell, ch’è in ari,
El pesg l’è giust, che no ’l resparmia i Fràa,
E el visita la Giesa, e ’l Santuari.
Chè quest pur tropp fina dai temp pù antigh
Contra i Rè, contra i popel ostinàa,
L’è semper stàa vun di pù gran castigh.
