 |
Questa pagina è ancora da trascrivere o è incompleta. | |
| ⭑[ 27 ]⭑ |
La Persecuzion di Fràa
SONETT PRIM
Tra i allogg militar, e i ospedàa,
Legionarj, reclut ’, e presonèe
Nò gh’è pù meneman Convent de Fràa,
Ch’han avùu el tibi: Allon foeura di pèe.
Povera gent! Ma coss’han fàa de màa
De trattai come fussen andeghèe?
Lor dabben, lor quiett, lor retiràa,
E han pur anch sgandolàa di bei danée
Ah Milanes bastard del temp d’adess
Strappée la binda, che ve quatta i oeuccE
leggiarii in cà vosta el vost prozess.
Avii bel fà, e bel dì... ma coss’occor?
Se no ve battii el stomegh in genoeucc,
Sappièe che mai nò placarii el SIGNOR.
