 |
Questa pagina è ancora da trascrivere o è incompleta. | |
| ⭑[ 25 ]⭑ |
La Libertàa
SONETT
Libertàa libertàa sbraggen in piazza,
E su i scarin del Domm’i biricchin,
Libertàa alla Franzesa, che deslazza
El gippon de Baltram ai Giacobin.
Fina i veggion butten sul ruff la sgrazza,
Per portà la baretta in sul crappin,
E intant se fà de matt, e se sgavazza,
Casciada la modestia in San Quintin.
Ommen, donn con la ciocca a mesturon,
Taccovin senza Sant, e senza festa,
Gjès, Madonn, Santuari in abbandon,
Lit de cortii, crappolarii, gioeugh, tavel,
Birbantarii, vizi in trionf.... ah questa
L’è libertàa de casa del diavel!
